Ar theacht ar scoil dó, bíonn roinnt d’eolas agus de theanga na matamaitice ag gach leanbh a shealbhaigh sé sa bhaile agus  le linn dó a bheith ag súgradh. Is le linn súgradh a fhoghlaimíonn leanaí óga smaointe a roinnt agus comhoibriú lena chéile, bréagáin a roinnt agus tuairimí a chur in iúl.  Bíonn éagsúlacht mhór ansin ag brath ar an leanbh. Forbraíonn súgradh sa seomra ranga na scileanna seo trí shuímh struchtúrtha a chur ar fáil don pháiste lena n-iniúchadh. Cuireann luathghníomhaíochtaí matamaiticiúla treoir ar an mbuneolas seo agus soláthraíonn siad bunsraith dhaingean le haghaidh tuilleadh fiosruithe matamaiticiúla ar scoil agus sa bhaile araon. Táthar ag súil go ndéanfar cúram spraíúil de Luathghníomhaíochtaí Matamaiticiúla agus sa chaoi sin go mbunófar bonn daingean le haghaidh úsáid cheart na teanga matamaiticiúla agus ar fhorbairt na féinmhuiníne i láimhsiú na n-ábhar.